На працягу 2020 года з мэтай агляду, падтрымкі і ўдасканалення дзейнасці салонаў-магазінаў, папулярызацыі і распаўсюджвання традыцыйных народных і мастацкіх вырабаў, падтрымкі мерапрыемстваў па рэкламе тавараў, павышэння культуры і якасці абслугоўвання насельніцтва праводзіўся абласны конкурс на лепшы салон-магазін сярод Дамоў (Цэнтраў) ремёстваў.
Усяго ў конкурсе прымалі ўдзел 9 салонаў-магазінаў з Браслаўскага, Гарадоцкага, Лепельскага, Лёзненскага, Глыбоцкага і іншых рэгіёнаў. Пры падвядзенні вынікаў журы ўлічвала наступныя крытэрыі: найбольш шырокае прадстаўленне вырабаў традыцыйных відаў рамёстваў, майстэрскае афармленне салона-магазіна; дасягненні ў галіне развіцця продажу, выкананне плана продажу, рэкламная актыўнасць; якаснае абслугоўванне кліентаў, выдатнае веданне прадуктовай лінейкі, крэатыўнае прадстаўленне прадукцыі.
Лаўрэатамі I ступені сталі: салон-магазін ”Ля Парнаса“ філіяла ”Гарадоцкі Дом рамёстваў і фальклору“ ДУК ”Цэнтр традыцыйнай культуры і народнай творчасці Гарадоцкага раёна“і салон-магазін ”Скарбонка“ ДУК ”Лепельскі Цэнтр рамёстваў“.
Лаўрэатамі II ступені сталі: пункт-продажу сувенірнай прадукцыі ”Ля возера“ НДУК ”Браслаўскае раённае аб’яднанне музеяў“, філіял салон-магазін ”Фэст“ ДУ ”Культурна-гістарычны комплекс ”Залатое кола горада Віцебска ”Дзвіна“.
Лаўрэаты III ступені: мастацкі салон па продажу твораў мастацтва і вырабаў народных промыслаў ДУК ”Цэнтр культуры г.Наваполацка“, гандлёвы аб’ект ”Беларускія сувеніры“ філіяла ”Дом рамёстваў“ ДУК ”Лёзненская цэнтралізаваная клубная сістэма“.
Віншуем пераможцаў!