| Варчэня Валерый Анатольевіч 1972 г.н. г. Чашнікі, Віцебская вобласць |
Нарадзіўся Валерый Анатольевіч ў 1972 годзе ў г. Чашнікі Віцебскай вобласці. Скончыў ПТВ-83 імя Дуброўскага ў г. Новалукомлі ў 1990 годзе і Віцебскі дзяржаўны педагагічны інстытут ў 1995 годзе. З 1996 года працуе метадыстам у Чашніцкім Доме рамёстваў, а таксама з’яўляецца выкладчыкам мастацкага аддзялення Чашніцкай дзіцячай школы мастацтваў.
Варчэня Валерый Анатольевіч прафесійна валодае ганчарным майстэрствам. Якому вучыўся ў Скобава В.А. Не злічыць колькасці збаноў, збанкоў, вазачак, званочкаў, талерак зробленых рукамі майстра Валерыем Анатольевічам. Майстар выкарыстоўвае ганчарныя формы для стварэння розных пано і сувеніраў, часам завяршае свае работы роспісам. Зачастую Варчэня В.А. таніруе вырабы з дапамогай аэрографа, стварае градацыі ад цёмнага да светлага, розныя дэкаратыўныя эфекты, эксперыментуе з фарбай і выкарыстоўвае эмалі.
Таніроўка ад цёмнага да светлага і іншыя дэкаратыўныя элементы асабліва выразна атрымліваюцца ў майстра пры вырабе глінянай цацкі і свістулькі. Вырабам іх Валерый Анатольевіч таксама заняўся з 1996 года. Спрабаваў розныя формы, але стараўся, натхняючыся ў іншых майстроў, зрабіць свой арыгінальны выраб. У свістулькі майстар ўдасканальваў гучанне, мяняў падыход у вырабе адтулін для здабывання гуку. У 2015 годзе, вырабляючы калекцыю свістулек ў форме рыб, дамогся гучання, якое доўга шукаў. Калекцыя Варчэні В.А. гэта вынік многіх гадоў вопыту. У вырабе конікаў, сабачак майстар народных мастацкіх рамёстваў натхняўся формай ножак ў філімонаўскай цатцы. Але пры гэтым свістулька Валерыя Анатольевіча арыгінальная, прапарцыйна выразная, акуратная і як бы філігранна навостраная. Форма і сілуэт коней і сабак незвычайны: скарочанае цела, своеасаблівая пругкасць ў пастаноўцы ног, плаўна выцягнуты хвост-свісток, грушападобныя галовы. У працы над імі майстар выкарыстоўваў тэхніку шлікернага ліцця з наступнай дапрацоўкай дэталяў. Без адліўкі кераміст вырабляў свістулек-птушак. Вобразы іх поўныя гратэску. Характэрна для гліняных цацак Валерыя Анатольевіча абавязковая прысутнасць абаяння і непаўторнага гумару аўтара.
Варчэня В.А. неаднаразова ўзнагароджаны дыпломамі і граматамі раённых, абласных і рэспубліканскіх выстаў.
[ngg src=»galleries» ids=»54″ display=»basic_thumbnail» thumbnail_crop=»0″]