| Смаргунова Вольга Леанідаўна 1981г.н. г.п. Расоны, Віцебская вобласць |
Майстар народных мастацкіх рамёстваў Смаргунова Вольга Леанідаўна скончыла Гуманітарную акадэмію г.Масква, па спецяльнасці ”Юрыст“.
Вольга Леанідаўна ў Расонскім раённым Доме рамёстваў пачала працаваць кіраўніком гуртка па аплікацыі саломкай з 2005 года, падчас адкрыцця ўстановы. Затым працавала метадыстам-майстрам, з 2011 года ўзначаліла Дом рамёстваў, па сумяшчальнасці працуе метадыстам-майстарам па саломапляценні і аплікацыі саломкай.
Рознымі тэхнікамі мастацкай апрацоўкі саломы авалодала самастойна. Вывучае літаратуру, даследуе народныя традыцыі, распрацоўвае ўласныя віды пляцення. Распрацавала серыю анімалістычных вобразаў, з якімі робіць пейзажныя і дэкаратыўныя кампазіцыі. Удала спалучае саламяныя творы з рознымі прыроднымі і штучнымі матэрыяламі, этнаграфічнымі артэфактамі.
Удзельніца і лаўрэатраённых, абласных, рэспубліканскіх, міжнародных конкурсаў, фестываляў, кірмашаў:лаўрэатII ступені абласной выставы-конкурсу майстроў саломапляцення ”Золата роднай зямлі“(2017 г.);лаўрэат абласной выставы-конкурсу народнага дэкаратыўна-прыкладнога мастацтва ”Карнавал масак“(2017 г.);лаўрэатI ступені абласной выставы-конкурсу”Сонцазварот“(2018 г.); лаўрэат II ступені абласнога конкурснага праекта ”Дажыначны сноп“у межах абласнога фестывалю-кірмашу працаўнікоў вёскі Віцебскай вобласці ”Дажынкі– 2018“;лаўрэатI ступені Міжнароднага фестывалю дэкаратыўна-прыкладнога мастацтва, прысвечанага святкаванню VI і VII Дня рамесніка Себежскага краю
(2019-2020 г.);лаўрэат I ступені абласной выставы-конкурсу народнай творчасці, прысвечанай 75-годдзю Вялікай Перамогі ў намінацыі ”Падарунак ветэрану“ (2020 г.).
З 2019 года Вольга Леанідаўна – член Беларускага саюза майстроў народнай творчасці.