| Скавырка Святлана Анатольеўна 1972 г.н. г. Глыбокае, Віцебская вобл. |
Скавырка Святлана Анатольеўнанарадзілася ў 1972 годзе ў в.Вішанка Рагачоўскага раёна Гомельскай вобласці. Скончыла Бабруйскае мастацкае вучылішча №15 па спецыяльнасці “афарміцель цацак”. У 2011 годзе атрымала спецыяльнасць “мастак-педагог” у Мінскім дзяржаўнымпедагічным універсітэце імя М.Танка. З 2005 года працуе ў Глыбоцкім Доме рамёстваў.
У 2008 годзе павышала сваю кваліфікацыю ў ДУА “Віцебскія абласныя курсы павышэння кваліфікацыі работнікаў культуры” ў групе па традыцыйных беларускіх рамёствах (маляваныя дываны).
У 2009 годзе была прынята ў Беларускі саюз майстроў народнай творчасці.
Святлана Анатольеўна з’яўляецца пастаяннай удзельніцай раённых, абласных і рэспубліканскіх выстаў і святаў, ўзнагароджвалася граматамі і дыпломамі. Майстар правяла шэраг персанальных выстаў: “Паслядоўнікі творчасці Я.Драздовіча”, “Мелодыя маляванкі”, “Маляваны цуд”, юбілейная выстава “Маленькая большая жизнь” і іншыя, а таксама майстар-класы з мэтай папулярызацыі мастацкага роспісу. Так, у рамках мерапрыемстваў, прысвечаных Дню Незалежнасці Рэспублікі Беларусь, у Палацы Рэспублікі была праведзена выстава з майстар-класам, дзе ўдзельнікі мерапрыемства змаглі ўбачыць і прыняць ўдзел у распрацоўцы маляванага дывана. На працягу года пазнаёміліся з гэтым відам мастацтва і прадстаўнікі замежных дэлегацый: Латвіі, Літвы, Германіі, Грузіі, Ізраіля.У 2009 г. Святлана Анатольеўна стала лаўрэатам свята-конкурсу майстроў народнага малявання і сучаснага роспісу “Райскі сад” у намінацыі “Роспіс па палатне”, а ў 2014 г. атрымала Гран-пры на свяце-конкурсе “Фарбы нябёсаў”, якія праходзіліў межах Міжнароднага фестывалю мастацтваў “Славянскі базар у Віцебску”.
З 2016 года працуе загадчыкам Глыбоцкага Дома рамёстваў.
Скавырка С.А. займаецца навуковай работай па вывучэнні асаблівасцей роспісу па тканіне на Глыбоччыне , творчасці Язэпа Драздовіча, пашырае традыцыйныя матывы тэмамі народных святаў і фальклору. Прыдала маляванцы форму дэкаратыўнага пано, што дазваляе вельмі арганічна скарыстоўваць яе ў сучасным прыватным і грамадскім інтэр’еры.
У 2014 годзе Міністэрствам культуры Рэспублікі Беларусь элемент нематэрыяльна-культурнай спадчыны “Маляваныя дываны Віцебскага Паазер’я” ўнесены ў спіс нематэрыяльных гісторыка-культурных каштоўнасцяў Рэспублікі Беларусь.
У 2019 ў г. Глыбокае, Віцебскай вобласці праводзіўся пленэр майстроў дэкаратыўнага жывапісу “Райскі сад — 2019” у якім прыняла ўдзел і Святлана Анатольеўна, дзе майстар дзялілася ведамі і практычнымі навыкамі, сакрэтамі рамяства з усімі, хто праяўляў зацікаўленасць у гэтай справе і дапамагала непасрэдна стварыць маляваны дыван.
[ngg src=»galleries» ids=»20″ display=»basic_thumbnail» thumbnail_crop=»0″]