| Парахневіч Міхаіл Іванавіч 1970 г.н. г. Браслаў, Віцебская вобласць |
Нарадзіўся ў 1970 годзе ў Браславе. Скончыў мастацка-графічны факультэт Віцебскага педагагічнага інстытута імя Кірава па спецыяльнасці ”настаўнік выяўленчага мастацтва, чарчэння, працоўнага навучання“. Працаваў у школах раёна, дзе шматлікія вучні авалодалі разьбой і сталі паслядоўнікамі настаўніка.
Майстар народных мастацкіх рамёстваў Міхаіл Іванавіч валодае рознымі відамі разьбы, стварае мэблю, але найбольш прывабліваюць яго ўтылітарна-дэкаратыўныя і дэкаратыўныя вырабы, якія ён стварае з вялікім майстэрствам. Гледзячы на іх, хочацца памацаць іх рукамі, каб зразумець, што гэта зроблена з дрэва. Працуе з ліпай, сасной і іншымі відамі драўніны. Апрацоўвае сучаснымі фарбавальнікамі і лакамі.
Зараз майстар уваходзіць у склад народнага клуба майстроў народных мастацкіх рамёстваў і мастакоў ”Ля возера“, удзельнічае ў асноўных яго мерапрыемствах: свята-конкурсах, выставах, ярмарках, фестывалях.
Вырабы майстра знаходзяцца ў прыватных калекцыях у Браславе, Віцебску, Мінску, Латвіі, Польшчы, Украіны, Расіі.
