| Майсяёнак Уладзімір Уладзіміравіч г.Дзісна Міёрскага раёна, Віцебская вобл. 1958 г.н. |
Уладзімір Уладзіміравіч нарадзіўся 2 кастрычніка1958 года ў горадзе Дзісна Міёрскага раёна Віцебскай вобласці. Скончыў ДУА ”Наваполацкае дзяржаўнае музычнае вучылішча“ па спецыяльнасці ”духавыя і ўдарныя інструменты“.
Народныя мастацкія рамёствы Уладзімір Уладзіміравіч пачаў асвойваць самастойна. Першым было ганчарства і выраб гліняных свістулек. С цягам часу ўсё больш і больш вывучаў асаблівасці Дзісненскага ганчарства падчас экспедыцый па Міёрскім краі, пераймаў майстэрства і веды ад майстроў г.Дзісна і прылягаючай тэррыторыі. Зараз майстар народных мастацкіх рамёстваў мае калекцыю гаршкоў-абліванак і гаршкоў, абматаных бяростай.
Разьбой па дрэву Уладзімір Уладзіміравіч заняўся ў 1998 годзе. Да сённяшняга часу асвоіў такія віды разьбы як: праразная, рэльефная і барэльефная, контурная, ажурная. З 2010 года У.У.Майсеёнак працуе кіраўніком дзіцячых гурткоў ў Дзісненскім гарадскім Доме рамёстваў, навучае школьнікаў разьбе па дрэве і ганчарству, праводзіць шматлікія майстар-класы на розных мерапрыемствах горада і раёна.
Майстар – пастаянны ўдзельнік шматлікіх раённых, абласных і міжнародных мерапрыемстваў: экалагічнага свята ”Журавы і журавіны Міёрскага краю“; Міжнароднага фестывалю народнай музыкі ”Звіняць цымбалы і гармонік“ у г. Паставы (2019 г.), лаўрэат IIIступені абласной выставы-конкурсу народнай творчасці, прысвечанай 75-годдзю Вялікай Перамогі (г.Віцебск, 2020 г.) і інш.
Вырабы Уладзіміра Уладзіміравіча заўсёды карыстаюцца попытам сярод насельніцтва раёна, а асабліва сярод замежных турыстаў, якія наведваюць старажытны горад Дзісну. Яго работы знаходзяцца ў прыватных калекцыях у Расіі, Украіне, Швецыі, Германіі, Францыі і інш.
[ngg src=»galleries» ids=»76″ display=»basic_thumbnail» thumbnail_crop=»0″]