25 верасня 2024 года, у Аршанскім раёне прайшло ўрачыстае адкрыццё Міжнароднага пленэра дэкаратыўна-прыкладнога мастацтва, які сабраў майстроў-керамістаў з усёй Рэспублікі Беларусь і удзельнікаў з Расійскай Федэрацыі. Першы дзень пленэру радаваў цудоўным надвор’ем, што дазволіла майстрам атрымаць асалоду ад наведвання славутасцяў Аршаншчыны: замак «Белы Ковель», касцёл св.Дзевы Марыі, капліцу-пахавальню рода Сямёнавых і інш. Натхнёныя майстры на працягу наступных трох дзён будуць працаваць над стварэннем арыгінальных вырабаў з гліны, адкрыюць сакрэты свайго рамяства і прадэманструюць майстар-класы па традыцыйных спосабах апрацоўкі гліны.
