Квашко Вольга Яўгенаўна

Квашко Вольга Яўгенаўна нарадзілася ў 1976 г. у г.Сянно Віцебскай вобласці. Пасля заканчэння ПТВ №147 г.Віцебска ў 1995 годзе па спецыяльнасці ”ткач ручнога ткацтва“ працавала ў Лёзненскім Доме рамёстваў кіраўніком гуртка. З 1996 па 2009 гг. –  дырэктар Сенненскага Дома рамёстваў, з 2009 г. – метадыст-майстар па народным касцюме. У   2013 г. скончыла Віцебскі дзяржаўны ўніверсітэт ім.П.М.Машэрава па спецыяльнасці ”выяўленчае мастацтва“. З лютага 2014 года працуе загадчыкам філіяла ”Сенненскі Дом рамёстваў“.

Мэтанакіравана і эфектыўна праводзіць работу па развіцці традыцыйных рамёстваў на Сенненшчыне, у прыватнасці, адна з першых у Віцебскай вобласці адрадзіла рэгіянальны касцюм, традыцыйную выцінанку і саломапляценне. У калекцыі Сенненскага Дома рамёстваў налічваецца больш за пяцьдзясят рэканструяваных майстрам касцюмаў. У 2020 г. Квашко В.Я. прысвоены статус народнага майстра Беларусі. З’яўляецца носьбітам традыцый трох элементаў нематэрыяльнай культурнай спадчыны Беларусі: беларускія практыкі саломапляцення, традыцыйныя вобразы і тэхналогія вырабу гліняных цацак Аршанскага Падняпроўя і Віцебскага Падзвіння, беларускае мастацтва выцінанкі. Рэгулярна праводзіць майстар-класы, семінары і іншыя мерапрыемствы як на базе Сенненскага Дома рамёстваў, так і ва ўстановах культуры Віцебскай вобласці.

Майстар з’яўляецца пастаянным удзельнікам міжнародных, рэспубліканскіх, абласных фестываляў, святаў-конкурсаў, выставак, семінараў: кірмашу рамёстваў ”Горад майстроў“ у рамках Міжнароднага фестывалю мастацтваў ”Славянскі базар у Віцебску“ (1998-2024 гг.), рэспубліканскага свята ”Александрыя збірае сяброў“ (2017 г., 2020-2024 гг.), рэспубліканскага фестывалю-кірмашу ”Вясновы букет“ (г.Мінск, 2021-2024 гг..), абласной выставы-прэзентацыі элементаў нематэрыяльнай культурнай спадчыны, уключаных у Дзяржаўны спіс гісторыка-культурных каштоўнасцей Беларусі, ”Скрыжаванні талентаў Віцебшчыны“  (г.Віцебск, 2022 г.), абласной выставы артэфактаў ”Рэліквія“ (г.Віцебск, 2024 г.).

Вольга Яўгенаўна – пераможца абласных, рэспубліканскіх святаў, конкурсаў, фестываляў: лаўрэат І ступені ХІІІ Рэспубліканскага фестывалю-кірмашу ”Вясновы букет“ (г.Мінск, 2022 г.); уладальнік гран-пры адкрытага абласнога свята-конкурсу народнага касцюма ”Сцяжкі майстэрства – 2022“ у рамках XXXI Міжнароднага фестывалю мастацтваў ”Славянскі базар у Віцебску“ (г.Віцебск, 2022 г.); дыпламант ІІ ступені ў намінацыі ”Этнаграфічны артэфакт, рэпліка“, ІІІ ступені ў намінацыі ”Лепшая мастацкая выява“ абласной выставы-конкурсу па дэкаратыўна-прыкладным мастацтве ”Велікодныя ўзоры“; лаўрэат І ступені ў намінацыі ”Майстры“ Міжнароднага фестывалю народнай музыкі і песні ”Бараньскія музыкі“ (г.Барань, 2023 г.); лаўрэат дыплома І ступені ў намінацыі ”Лепшая хатняя калекцыя“ абласнога свята-конкурсу майстроў вышыўкі і карункапляцення ”Чароўная нітка – 2023“ у рамках XXXII Міжнароднага фестывалю мастацтваў ”Славянскі базар у Віцебску“ (г.Віцебск, 2023 г.); лаўрэат ІІ ступені ў намінацыі ”За дасканалае валоданне тэхнікай вязання“ абласной выставы-конкурсу па дэкаратыўна-прыкладным мастацтве ”Ой, праду, праду кудзеліцу…“ (г.Віцебск, 2023 г.); лаўрэат І ступені ў намінацыі ”Лепшы аўтарскі твор, выкананы ў некалькіх тэхніках“ абласной выставы-конкурсу па рэгіянальнаму інтэр’ернаму тэкстылю Віцебшчыны ”У роднай хатцы на стале, на этажэрцы: абрусы, настольнікі, сурвэткі“ ў рамках праекта ”У роднай хатцы“ (г.Віцебск, 2023 г.).

У 2024 г. Квашко В.Я. прыняла ўдзел у працы тэматычнай экспазіцыі ”Дні Віцебскай вобласці на ВДНГ“ (г.Масква). Узнагароджана Ганаровай граматай Віцебскага абласнога Савета дэпутатаў (2022 г.), Падзякай Міністра культуры Рэспублікі Беларусь (2023 г.).

Член РАА ”Белая Русь“, ГА ”Беларускі саюз майстроў народнай творчасці“.