Гарбачоў Віктар Іванавіч

Гарбачоў Віктар Іванавіч
1956 г.н.
г. Докшыцы, Віцебская вобл.

Нарадзіўся ў 1956 годзе ў г.Магілёве. Закончыў мастацка-графічны факультэт Віцебскага педагагічнага інстытута імя С.М.Кірава ў 1982 годзе. З 1993 па 1998 год працаваў дырэктарам Докшыцкага Дома рамёстваў. Мастацтву разьбы вучыўся на кафедры дэкаратыўна- прыкладнога мастацтва ВПІ ў выкладчыка І.П.Хіцько.

Працаваў вольным майстрам і мастаком. З 2014 года працуе метадыстам-майстрам разьбы па дрэве ў Докшыцкім раённым Доме рамёстваў.

Гарбачоў В.І. неаднаразова прымаў удзел у шматлікіх фестывалях, конкурсах і выставах міжнароднага, рэспубліканскага і абласнога ўзроўняў. Узнагароджаны: дыпломам III ступені ў намінацыі ”Традыцыйная механічная цацка з дрэва“ ў свяце-конкурсе цацкі і лялькі ”Забава – 2015“ у межах XXIV Міжнароднага фестываля мастацтва ”Славянскі базар у Віцебску“; дыпломам I ступені абласнога свята-конкурса разьбы па дрэве ”Дрэва жыцця – 2017“; дыпломам за адраджэнне і папулярызацыю традыцыйнай культуры, правядзенне персанальнай выставы ”Магія дрэва“ ў межах арт-праекта ”Партрэт майстра“ (2021 г.); дыпломам лаўрэата I ступені ў абласной выставе-конкурсе мастацкіх вырабаў ”Птушыны перапалох“ (2024 г.) і інш.

Майстар мае шмат узнагарод рознай якасці: дыпломы Міністэрства адукацыі, Міністэрства культуры (1991, 1994 гг.), дыплом фестывалю ”Беларусь – мая песня“ (1997-1998 гг.), дыплом Віцебскага АМЦНТ (1998 г.), грамата Міністэрства культуры Рэспублікі Беларусь за шматгадовую працу і значны ўклад у развіццё нацыянальнай культуры (2022 г.).

Лаўрэат прэміі Віцебскага абласнога выканаўчага камітэта за высокія творчыя дасягненні ў галіне культуры і мастацтваў у намінацыі ”Лепшы майстар традыцыйных рамёстваў“.

Гарбачоў Віктар Іванавіч прафесійна валодае рэльефнай і скульптурнай разьбой, выконвае аздабленне мэблі. Майстар выкарыстоўвае розную драўніну і розныя прыёмы апрацоўкі і аздаблення. Першапачаткова драўніну апрацоўвае фрэзамі, сякерай, долатам, затым – дапрацоўка больш малымі разцамі. Працягвае традыцыю па адраджэнні механічнай драўлянай цацкі.

З 2021 года прысуджаны статус народнага майстра Беларусі.