”Нас з’яднала зямля Беларусі“

Аўтар admin
0

7 снежня 2019 года ў г.Верхнядзвінску адбудзецца абласное свята нацыянальных культур ”Нас з’яднала зямля Беларусі“. Праводзіцца яно як абласны адборачны тур XIII Рэспубліканскага фестывалю нацыянальных культур, заключныя мерапрыемствы якога пройдуць у г.Гродна ў чэрвені наступнага года.

Арганізатары свята: упраўленне культуры Віцебскага аблвыканкама, ДУ ”Віцебскі абласны метадычны цэнтр народнай творчасці“, аддзел ідэалагічнай работы, культуры і па справах моладзі Верхнядзвінскага райвыканкама.

Свята нацыянальных культур у Віцебскай вобласці праводзіцца з 2001 года. Да 2015 года яно праходзіла ў г.Міёры, у 2017 – у г.Віцебску, у 2019 – у г.Верхнядзвінску.

У праграме свята пройдуць прэзентацыі выстаў нацыянальных кухань, майстар-класы, адбудуцца выставы-продажу вырабаў майстроў мастацкіх рамёстваў вобласці. У канцэртнай праграме свята “Нас з’яднала зямля Беларусі” сімвалічнае ”Кола сяброўства“ аб’яднае усіх прадстаўнікоў розных нацыянальных суполак Віцебшчыны. Індывідуальныя выканаўцы і творчыя калектывы прадставяць сваю нацыянальную музыку, песні, літаратурныя творы на сваёй роднай мове.

Усяго ў мерапрыемствах абласнога свята прымуць удзел прадстаўнікі 12 нацыянальнасцяў з розных раёнаў і гарадоў Віцебшчыны (беларускай, армянскай, украінскай, рускай, малдаўскай, мардоўскай, узбекскай, казахскай, таджыкскай, польскай, яўрэйскай, латышскай). У якасці гасцей прымаюць удзел творчыя калектывы з краін-суседзяў: Расіі, Латвіі.

0

You may also like